LIQUIDACIÓNS TRIBUTARIAS DO PROCEDEMENTO DE VALORACIÓN COLECTIVA DO CATASTRO NO CONCELLO DE VILANOVA DE AROUSA

Iniciase o trámite de información pública da lista cobratoria do Imposto sobre Bens Inmobles de natureza urbana do IBI correspondentes ás liquidacións tributarias derivadas dos procedementos de valoración colectiva (expedientes 336280.36/24 e 351411.36/23) implementados pola Xerencia Territorial do Catastro de Pontevedra no CONCELLO DE VILANOVA DE AROUSA. As devanditas liquidacións foron aprobadas por Resolución de Tesourería de data 11/09/2024.

De acordo co establecido no artigo 77.4 do RD Lexislativo 2/2004 de 5 de marzo, do texto refundido da lei de facendas locais (TRLFL):”Non será necesaria a notificación individual das liquidacións tributarias nos supostos en que, de conformidade cos artigos 65 e seguintes desta lei, practicáronse previamente as notificacións do valor catastral e base liquidable previstas nos procedementos de valoración colectiva.”

Esta exposición ao público ten carácter de notificación colectiva ó abeiro do artigo 102.3 da Lei 58/2003 xeral tributaria, remitíndose ao Concello a efectos da súa inserción no taboleiro de edictos.

De acordo co establecido no artigo 14.2 do RD Lexislativo 2/2004 de 5 de marzo, do texto refundido da lei de facendas locais e demais disposicións vixentes na materia, contra a/s citada/s Resolución/s e as liquidacións incluídas nela poderase interpor recurso de reposición ante a Tesourería da Deputación provincial no prazo dun mes contado a partir do día seguinte ao de finalización da exposición pública, previo ao contencioso-administrativo.

A citada lista cobratoria contén datos de carácter persoal amparados pola lei de protección de datos, polo que cada persoa interesada poderá consultar exclusivamente e na súa integridade os rexistros relativos á súa débeda tributaria no CONCELLO DE VILANOVA DE AROUSA, e nas oficinas do ORAL durante o período de exposición ao público, que comprenderá dende o 02 de outubro ata o 04 de novembro de 2024, ambas datas incluídas.

COBRANZA LIQUIDACIÓNS IBI

De conformidade co previsto nos artigos 18, 24 e 25 da Ordenanza Fiscal Xeral do órgano de xestión tributaria e recadación de recursos locais–ORAL, en relación co artigo 62.3 da Lei 58/2003, xeral tributaria e cos artigos 23, 24 e 25 do Regulamento xeral de recadación, de 29 de xullo de 2005, comunícaselle ás persoas interesadas que o período voluntario de cobranza do Imposto sobre Bens Inmobles de natureza urbana do (IBI) das liquidacións tributarias derivadas dos procedementos de valoración colectiva implementados pola Xerencia Territorial do Catastro de Pontevedra no CONCELLO DE VILANOVA DE AROUSA, iníciase o día 02 de outubro e finaliza o 04 de decembro de 2024, ámbalas dúas datas incluídas.

NORMAS DA COBRANZA

Formas e lugares de ingreso:

• A través da Oficina Virtual Tributaria (OVT) da Deputación de Pontevedra–ORAL, https://ovt.depo.gal

• A través da aplicación de pagamentos da Deputación de Pontevedra (dispoñible para IOS e Android)

• Na caixa de calquera das entidades colaboradoras (ABANCA, BBVA, CaixaBank, Ibercaja Banco, Sabadell e Unicaja Banco), e tamén nos caixeiros automáticos ou por internet (se a entidade colaboradora elixida dispón deses servizos)

Advertencia legal: o vencemento do prazo de ingreso en período voluntario sen que se satisfaga a débeda determinará o inicio do período executivo e as débedas serán esixidas a través do procedemento de prema, devengándose as correspondentes recargas do período executivo, xuros de mora e, no seu caso, as custas que se produzan.

Oficinas de atención tributaria presenciais, a atención ao público nas oficinas do ORAL farase, no seu caso, a través do sistema de cita previa, que se solicita a través das seguintes canles:

• Web do ORAL: https://www.depo.gal

• OVT: https://ovt.depo.gal

• Sede electrónica: https://sede.depo.gal/citaprevia/

• Teléfono de atención tributaria e cita previa: 886 211 400 e 886 211 420

RELACIÓN DE OFICINAS DE ATENCIÓN TRIBUTARIA ORAL-DEPUTACIÓN DE PONTEVEDRA