Os galegos somos famosos por evitar “o tema”. Pois falar de cartos ten que deixar de ser tabú, sobre todo se é coa túa parella: a persoa coa que compartes a túa vida (e gastos). Canto aportará cada un para cubrir os gastos? Abrimos unha conta conxunta ou mantemos contas separadas? Cales son os nosos obxectivos de aforro e que prazos marcamos para conseguilos?
É recomendable manter unha comunicación fluída coa súa parella e discutir todo o relacionado coas finanzas comúns. Ademais, poden xurdir cambios ou imprevistos que nos fagan revalorizar os obxectivos que nos marcaramos.
É importante saber que obxectivos comúns prioritarios terán , como a compra dunha vivenda, a compra dun coche, a familia, a creación dun fondo de emerxencia ou o aforro para a xubilación. Deste xeito, pódese planificar o aforro e o investimento para conseguilo e que a súa consecución supoña un motivo de benestar para a parella.
En canto á xestión do día a día , debe deixarse claro en que conta se cubren os gastos, se é conxunta ou dun dos membros. As finanzas non precisan ser totalmente compartidas. Recoméndase que cada persoa teña un certo grao de independencia coas súas contas persoais, e considere a posibilidade de abrir contas conxuntas para diferentes fins: gastos do día a día, colchón de emerxencias e aforro para proxectos comúns a longo prazo.
No portal de Finance for Everyone podes facer unha proba de compatibilidade financeira con dez preguntas sinxelas. Así mesmo, para completar esta información tes tres apartados diferenciados: organización das finanzas en parella, como formalizar a unión xurídica e as súas consecuencias económicas e, por último, as decisións a tomar en caso de ruptura.
0 comentarios