AXUDAS PARA O FINANCIAMENTO DA ADQUISICIÓN DE UVA

DESTINADO A ADEGAS DE ELABORACIÓN DE VIÑO

O obxectivo desta axuda do IGAPE é facilitar o financiamento da adquisición de uva por parte das adegas vinícolas acollidas ás denominacións de orixe e indicacións xeográficas protexidas vitícolas galegas para a campaña 2023.

A quen está destinado?

Empresas que teñan polo menos un centro de traballo en Galicia , e que sexan titulares de naves de elaboración de viño.

Que gastos son subvencionables?

As axudas consistirán en subvencionar as comisións e xuros que apliquen as entidades bancarias, e as sociedades de garantía recíproca se é o caso, nas operacións de préstamo necesarias para financiar a adquisición da colleita de 2023.

Cal é o importe da axuda?

• Un máximo do 0,5% da base subvencionable , co límite da comisión de apertura e formalización cobrada pola entidade de crédito.
• Un máximo do 0,5% da base subvencionable , co límite da comisión de apertura e estudo cobrada pola sociedade de garantía recíproca que garante a explotación. No caso de préstamos sen garantía da SGR, a subvención por este concepto será de 0 €.
• Un máximo do 1,25 % da base subvencionable , co límite da comisión de garantía cobrada pola sociedade de garantía recíproca que garante a operación. No caso de préstamos sen garantía da SGR, a subvención por este concepto será de 0 €.
• 5 % da base subvencionable , como estimación dos xuros correspondentes ao primeiro ano do préstamo.

Data límite de presentación

Aberto ata o 15 de decembro de 2023.