Axudas para o desenvolvemento tecnolóxico e a innovación mediante o uso da Intelixencia artificial

O obxecto destas axudas é apoiar ás pemes e grandes empresas de Galicia no desenvolvemento tecnolóxico e a innovación a través do uso da Intelixencia Artificial

A quen está destinado?

Poderán ser beneficiarias destas axudas as empresas de calquera sector galegas ou cun centro de traballo en Galicia, que realicen calquera actividade económica coa excepción das actividades excluídas:

• A produción primaria de produtos da pesca e da acuicultura.
• A produción primaria de produtos agrícolas e gandeiros.

Que liñas de axuda son elixibles?

Liña A: Desenvolvemento de tecnoloxía para a mellora da actividade económica e industrial e para a comercialización de novos produtos e servizos baseados en Intelixencia artificial.
Liña B: Proxectos de implantación e aplicación de servizos e/o solucións comerciais baseadas en Intelixencia Artificial para mellorar a competitividade das empresas de Galicia, e proxectos no marco da xestión estratéxica do dato para acelerar a adopción de solucións baseadas en Intelixencia Artificial.
Liña C: Proxectos de formación en Intelixencia Artificial en empresas de Galicia, para mellorar a súa capacitación, competitividade e integración da Intelixencia Artificial nas súas cadeas de valor.

Cal é o importe da axuda?

A axuda será de ata o 70% do custo subvencionable en función do tipo de beneficiario e do tipo de Liña solicitada.

A axuda máxima por entidade beneficiaria é de 300.000 €.

Data límite de presentación

Próxima apertura, ata 30 de abril de 2025 para a liña A e do 31 de outubro de 2025
para as liñas B e C.

Como podo solicitalo?

Se estás interesado nesta axuda para o desenvolvemento tecnolóxico e a innovación mediante o uso da Intelixencia artificial a empresas, contacta connosco no correo info@asecasesores.com ou a través do formulario adxunto.