AXUDAS PARA ASOCIACIÓNS DE PONTEVEDRA

Plan Provincia Comunitaria

Subvencións, en réxime de concorrencia competitiva, no marco do programa de ACCIÓN COMUNITARIA DA PROVINCIA DE PONTEVEDRA PARA O ANO 2025 (PLAN PROVINCIA COMUNITARIA 2025), para sufragar os gastos derivados de investimentos realizados polas asociacións da provincia de Pontevedra

A finalidade das axudas é a de mellorar a calidade de vida local e fomentar e dinamizar o asociacionismo veciñal e a cohesión social, mediante a promoción de investimentos que contribúan a satisfacer as necesidades e aspiracións da comunidade veciñal.

Serán subvencionables os gastos derivados de investimentos e equipamentos, todos eles orientados ao cumprimento dos fins das entidades solicitantes e ó seu funcionamento ordinario, cuxa execución se inicie a partir do 1 de xaneiro de 2025 ata o fin do prazo de execución regulado nestas bases, e sempre que estean destinados a algunha das seguintes intervencións:

EXECUCIÓN DE OBRAS

Gastos derivados de investimentos en inmobles ou terreos de titularidade da entidade solicitante ou sobre os que teñan un dereito de uso por convenio ou por calquera outro título válido en dereito cunha duración mínima de 5 anos, de conformidade co disposto na base Cuarta, a contar desde a finalización do prazo para a presentación de solicitudes ao abeiro desta convocatoria, consistentes en:

• Obras de mellora dos locais sociais en que a entidade veciñal desenvolva a súa actividade
• Obras de mellora doutras infraestruturas, equipamentos e espazos en que a entidade veciñal desenvolva a súa actividade
• Obras de novas infraestruturas, equipamentos e espazos que se vaian destinar ao cumprimento dos fins da entidade veciñal
  

ADQUISICIÓN DE EQUIPAMENTOS

• Gastos derivados de equipamentos necesarios para o funcionamento da e entidade solicitante, consistentes en:
• Adquisición de equipamento e mobiliario básicos para os locais sociais ou outros inmobles nos que se desenvolva a actividade, que resulten necesarios para o funcionamento ordinario da entidade, integrado por mobiliario, equipamentos de oficina, equipamento informático ou equipamento acústico e audiovisual.
• Adquisición doutro equipamento ou mobiliario necesario para o funcionamento e posta en marcha de actividades específicas da entidade veciñal.

Entidades beneficiarias

Poderán solicitar as axudas reguladas nestas bases as asociacións de veciños, confederacións, federacións ou unións de asociacións de veciños e asociacións de mulleres rurais da provincia de Pontevedra que estean legalmente constituídas e debidamente inscritas no Rexistro de Asociacións da Comunidade Autónoma de Galicia (central ou provincial). As entidades deberán conter na súa denominación a identificación como asociación de veciños, federación, confederación ou unión de asociacións de veciños ou como asociación de mulleres rurais, segundo o caso.
Para obteren a condición de beneficiarias, as asociacións deberán cumprir, con anterioridade ao remate do prazo de presentación de solicitudes os seguintes requisitos:
− Ter domicilio social na provincia de Pontevedra
− Estar legalmente constituídas e debidamente inscritas no Rexistro de Asociacións da Comunidade Autónoma de Galicia (central ou provincial) con anterioridade á data na que finalice o prazo de solicitudes.
− No caso de execución de obras, ter a titularidade ou o dereito de uso sobre os terreos ou inmobles sobre os que se vaia realizar o obxecto subvencionable.