Nova Oportunidade das persoas traballadoras autónomas, destinado a facilitar a volta á actividade económica das persoas traballadoras autónomas que non tiveron éxito no seu anterior intento.
A quen está destinado?
A finalidade deste Programa é a concesión de axudas dirixidas ás persoas autónomas que cesaron na súa actividade e van volver a emprender un negocio como autónomas e son demandantes de emprego no momento previo á nova alta como persoa traballadora autónoma.
Trátase de facilitar a volta á actividade económica á persoa emprendedora a quen lle foi mal no seu anterior negocio pero ten a experiencia práctica e a iniciativa de volver emprender, no mesmo ou diferente sector, a través do Bono nova oportunidade para axudar á posta en marcha do novo negocio.
Que autónomos son subvencionables?
Serán beneficiarias deste programa as persoas autónomas que fosen autónomas con anterioridade, que queren volver emprender, e cumpran os seguintes requisitos:
- Causar alta no Réxime Especial de Traballadores Autónomos, no período do 31 de outubro de 2024 ao 30 de setembro de 2025.
- Ter unha alta inicial no RETA, antes desta nova alta, dentro dos últimos 5 anos
- Cotizar anteriormente a esta nova alta, polo menos durante 3 meses ininterrompidos
- Estar rexistrada como persoa demandante de emprego nos servizos públicos de emprego con carácter previo á nova alta
- Transcorrer un período mínimo de seis (6) meses entre a nova alta como persoa traballadora autónoma no RETA e ter o domicilio fiscal en Galicia
Cal é o importe da axuda?
A axuda do bono nova oportunidade será dunha contía única de 7.500€ , dirixida ás persoas que cumpran os requisitos establecidos no artigo 33, contía que se incrementará en 500 € no caso de que a beneficiaria sexa unha muller.
Data límite de presentación
O prazo xeral para a presentación das solicitudes das axudas establecidas nesta orde comezará o 24 de xaneiro de 2025 e finalizará o 30 de setembro de 2025.
Como podo solicitalo?
Se estás interesado nestas axudas de bono nova oportunidade, contacta connosco a través de info@asecasesores.com
Descubre máis desde ASEC ASESORES
Subscríbete para recibir as últimas entradas no teu correo electrónico.
0 comentarios