Axudas á transformación dixital

[DATA LÍMITE DE PRESENTACIÓN: 21 DE FEBREIRO]. Destínanse á implantación de solucións para o soporte dixital dos procesos dunha empresa ou para proxectos de interconexión dixital de procesos entre varias empresas.

Dixitalización da xestión integral da empresa

As axudas á transformación dixital das pemes teñen como obxectivo poñer en marcha proxectos de dixitalización para a implantación de solucións dixitais para procesos dunha empresa ou de varias empresas galegas, como ordes de fabricación distribuídas ou sistemas de facturación.

A quen está destinado?

• Autónomos e pemes con centro de traballo en Galicia para solicitar proxectos individuais.
• Grupos de empresas para solicitar proxectos colectivos.

Que gastos son subvencionables?

• Desenvolvemento dunha interface dixital para as súas interaccións comerciais ou adopción/implementación dunha solución de interacción existente cos seus clientes ou provedores.
• Sistema de intelixencia artificial, aprendizaxe automática e toma de decisións autónoma, interconexión de elementos físicos e virtuais, procesamento de datos capturados e ciberseguridade.
• Implantación de sistemas orientados á dixitalización de procesos específicos ou xestión integral: ERP, CRM e similares.
• Mellora da función loxística da empresa.

Cal é o importe da axuda?

• No caso de investimentos materiais e inmateriais ata un 35% e para servizos de consultoría un 50%.
• O importe mínimo subvencionable dos proxectos deberá ser de 12.000 € para os proxectos individuais e de 10.000 € por participante para os proxectos colectivos.
• Os proxectos divídense segundo o seu importe subvencionable:
  • Tipo 1: Proxectos de importe inferior a 50.000 €
  • Tipo 2: Proxectos cun importe comprendido entre 50.000 e 120.000 €.
  • Tipo 3: Proxectos con importe superior a 120.000 €

Data límite de presentación

Próxima apertura , ata o 21 de febreiro de 2025.

Como podo solicitalo?

Se estás interesado nestas Axudas para a transformación dixital das pemes, contacta connosco agora a través de in**@as**********.com