Axudas a establecementos turísticos de aloxamento e restauración

Estas axudas aos establecementos turísticos de Galicia teñen por obxecto mellorar as infraestruturas dos establecementos de aloxamento turístico e de restauración.

Mellora en infraestruturas e dixitalización

As axudas ao sector turístico e da restauración en Galicia céntranse en fomentar a mellora das súas infraestruturas para ofrecer un maior grao de competitividade no mercado.

Para quen é?

• Establecementos hostaleiros , campamentos turísticos , establecementos de turismo rural, apartamentos e albergues turísticos.
• Restaurantes.

Que gastos son subvencionables?

• Actuacións dirixidas á mellora das condicións de accesibilidade e á eliminación de barreiras arquitectónicas .
• Obras dirixidas á mellora das instalacións co obxectivo de obter certificacións de calidade , especialmente a Q de Calidade Turística.
• Actuacións dirixidas á adaptación aos cambios normativos e á mellora da clasificación do establecemento que supoñan unha categoría superior.
• Renovación e modernización das instalacións e embelecemento da contorna da instalación
• Mobiliario equipamento necesario para o funcionamento.
• Actuacións de mellora da climatización que favorezan a sustentabilidade mediante a implantación de medidas de aforro enerxético, así como a instalación ou mellora de sistemas de extracción e renovación de aire.
• Actuacións de dixitalización dos sistemas de xestión e comercialización do establecemento.
• Adaptación dos sistemas de seguridade e saúde na prestación de servizos

Cal é o importe da subvención?

• O investimento neto permitido será de ata 100.000 euros.
• O importe máximo da axuda a cada entidade beneficiaria será de 60.000 €.
• A porcentaxe de axuda poderá chegar ata o 60 % .

Data límite de presentación

Próxima apertura.

Como podo solicitalo?

Se estás interesado nestas axudas para aloxamentos turísticos e establecementos de restauración,  ponte en contacto connosco agora en info@asecasesores.com